Dizajni

Estetika

Një përvojë dëgjimi estetike.

Për ne, përvoja optimale e dëgjimit nënkupton kombinimin e teknologjisë novatore me rafinimin e pajisjeve akustike të punuara me dorë. Të dyja këto i gjeni brenda një kase tërheqëse që mbart rezultatet e kërkimit të kryer gjatë shumë viteve me talentin tonë. Këtu në "HANSATON", ne flasim për një "përvojë dëgjimi estetike" dhe jemi të bindur që karakteristikat e brendshme të sistemeve tona të dëgjimit duhet të shfaqen edhe në anën e jashtme me anë të një dizajni tërheqës.

Dizajn me një qëllim të caktuar

Dizajnet më të mira janë kombinim i bukurisë së pashoqe dhe funksionit të jashtëzakonshëm. "HANSATON" përpiqet të sjellë dizajne të mrekullueshme në mënyrë që klientët tuaj t'i përdorin me lehtësi aparatet e tyre të dëgjimit dhe të jenë krenarë për to. Duam t'i japim fund stigmës rreth aparateve të dëgjimit, në të gjithë botën.

Forma dhe funksioni

Në sistemin e dëgjimit "HANSATON" mund të dallohet dizajni i kujdesshëm dhe i orientuar drejt qëllimit. Ka detaje funksionale, si për shembull pjesë të ngritura të qarta te komandat, në mënyrë që të gjenden lehtë ose aplikacion me përdorim të lehtë. Ka gjithashtu detaje të bukura, për shembull dizajne të dallueshme të printuara në anë të sistemeve të dëgjimit "HANSATON" që i bëjnë pajisjet edhe më tërheqëse. Bashkëveprimi i formës dhe funksionit luan një rol të rëndësishëm në zhvillimin e dizajneve tona të dallueshme nga skicat fillestare dhe modelet 3D deri te kombinimi i dizajnit të jashtëm me teknologjinë me çipa modernë të brendshëm.

Rezultati: sisteme dëgjimi novatore, elegante dhe të përshtatshme për përdoruesin.

Style RIC - dizajn i vlerësuar me çmime

Dizajni elegant dhe i jashtëzakonshëm i HANSATON FOKUS Style RIC është frymëzuar nga nevojat dhe idetë e njerëzve që përdorin aparate dëgjimi, si dhe të profesionistëve të kujdesit ndaj dëgjimit. Ekipi i Përvojës së Përdoruesit dhe Dizajnit i mblodhi të gjitha dëshirat dhe idetë novatore gjatë disa seminareve në ShBA, MB dhe Gjermani. Shumë përdorues të aparateve të dëgjimit po kërkonin një formë më moderne që të mund të përmirësonte rehatinë, sidoms gjatë mbajtjes së syzeve. Më konkretisht, ata kërkuan një aparat dëgjimi që të ishte i hollë, por sërish me gjatësi të pranueshme. Duke u bazuar te këto ide, Ekipi i Përvojës së Përdoruesit dhe Dizajnit filloi të krijonte nga e para formën nobatore të aparatit të ri të dëgjimit, në bashkëpunim të ngushtë me ekspertët e RD-së. Edhe forma e baterisë duhej rimodeluar për ta bërë më të përshtatshëm me dizajnin e hollë. Ekspertët e akustikës dhe përvojës së përdoruesit punuan së bashku për të përfituar sa më shumë nga gjatësia shtesë gjatë pozicionimit të komponentëve, si p.sh. gjatë vendosjes dhe formësimit të butonit të shtypjes, me qëllim që të përmirësohej më tej përdorimi. Kjo qasje bashkëkrijuese na mundësoi të krijonim një aparat dëgjimi unik dhe të hollë, pa cenuar performancën, që pajtohet edhe me mënyrën e jetesës së klientëve tanë.